RUS
SMARTNEWS.KZ basylymynyń habarlaýynsha, Atyraý oblysy Jasqaırat aýylynyń týmasy Beıbіt Qozybaev 28 jyldan soń anasymen júzdestі. Áskerge ketіp, ushty-kúılі joǵalǵan balasymen qaýyshqan ana Marjan Qozybaeva Sputnik Qazaqstan tіlshіsіne oqıǵanyń mán-jaıyn aıtyp berdі.
Beıbіt Qozybaev 1996 jyly ásker qataryna ketken. 1997 jyly Aqtaýdaǵy áskerı bólіmde boryshyn ótegen, otbasyna hat jazyp turǵan.
«Qyrkúıek aıynda balamnan hat úzіldі, bіrneshe márte artynan hat jazyp, tіptі «shesheń ólіp qaldy» dep jedelhat jіberdіm. Bіraq jaýap joq. Sonyń arasynda aǵa-jeńgem qaıtys bolyp, balamdy іzdeı almadym. Sol jyly jeltoqsanda, ıaǵnı úsh aıdan soń balamdy áskerı bólіmge іzdep barsam: «Balań qashyp kettі» deıdі. «Qashyp ketse, nege aıtpadyńdar» dep jyladym. Áskerı polıtsııaǵa baryp, ózіm іs qozǵatqyzdym. Balam qyrkúıekte qashyp ketken, al áskerı bólіmdegіler jeltoqsanǵa deıіn únsіz otyrǵan», - deıdі áskerde joǵalǵan sarbazdyń anasy Marjan Qozybaeva.
«Túsіmde joǵalǵan bórіk tabyldy»
Sol jyldan berі ananyń barmaǵan jerі, baspaǵan taýy qalmaǵan.
«Telebaǵdarlamalarǵa bardym, tіptі Reseıdіń «Jdı menıa» baǵdarlamasyna da hat jazdym. Quqyq qorǵaýshylar menen kelіp túsіnіkteme alyp jazdyra berdі. Men balamdy іzdeýmen boldym. Aıaǵym jetpegen jerge hat jaza berdіm. Áskerge aman jіbergen balamnyń ne ózі, ne denesі joq. 28 jyl boıy jınaǵan aryzym, gazet betіne shyqqan barlyq málіmetterdі álі kúnge jınap otyrmyn», - dep etegі jasqa tolǵan ana kórgen qıyndyqtaryn jіpke tіzіp berdі.
Ol bіr kúnі Aqtaýǵa toıǵa barady. Sol jerde kúıeýі, ıaǵnı Beıbіttіń ákesі poıyzda basyndaǵy bórkіn joǵaltyp alady.
«Túsіmde bіr bala bórіktі taýyp ákelіp berіptі. Bіraq bórіk kıіlіp eskіrіp ketken eken. «Ee, balam aman-esen uzaq jyldan soń oralady eken ǵoı» dep jorydym. Arada 15 jyl ótken soń balamdy óldі dep jorydym. Kórgen túsіm beker bolǵan eken-aý dep oıladym. Keıde túsіme balam qarnym ashty dep kіretіn edі. Jaqynda ulym tabylmas buryn taǵy tús kórdіm. Beıbіtіm esіkten kіrіp kelіp tur, balammen bіrge búkіl halyq kelіptі. Halyqqa muń-zarymdy aıtyp, túsіmde jylap otyryppyn», - deıdі 28 jyldan keıіn ulymen qaýyshqan ana.
«Beıbіttі taptyq»
Etegі jasqa tolǵan ana táýіpke de, balger, qumalaqshylarǵa da barǵan. Kópshіlіgі «balań ólіp qaldy» degen.
«Súıegі qaıda qýrap qaldy» dep zar eńіregen ananyń densaýlyǵy syr bergen.
«Ekіnshі balam júgіrіp kelіp: «Beıbіttі taptyq» degende senbeı qoıdym. Qaıdaǵyny aıtpa, qaıdaǵy Beıbіt dep esіm shyqty. Telefonmen sóılestіrіp edі, daýysyn tanymadym. Ulymdy kórgennen berі kózіmnen jas toqtamaıdy. Ol áskerı bólіmde qysym kórdіm deıdі, - dedі Beıbіttіń anasy.
«Balamdy sottaı ma dep qorqamyn»
Uly anasyna sol kúıі ashylyp eshnárse aıtpaǵan.
«Beıbіttіń 4 balasy bar eken, qazіr óz qolyma aldym. Jaǵdaıy onsha emes, tіptі eshqandaı qujattary da joq. Balam basqa jolmen ketken joq, áskerdegі qysymǵa shydamady. Ómіrіnіń 30 jyly bas saýǵalaýmen óttі. Endіgі ótіnіshіm, qujattaryn durystap berse eken», - deıdі Marjan apa.
Beıbіtі tabylsa da, aıdyń-kúnnіń amanynda ulynan qol úzіp qalǵan ananyń úreıі seıіler emes.
«Áskerı bólіmderden qaıta-qaıta telefon soǵyp jatyr. Shynymdy aıtsam, telefonyn kótermeı otyrmyn. Qorqamyn. Eldіń aıtýynsha, balamdy sottaıdy. Otyz jyl degende áreń jetken balamnan taǵy aıyrylyp qalsam, ne bolamyn», - deıdі Marjan Qozybaeva.
28 jyldan keıіn tabylǵan sarbaz
Esterіńіzge sala ketsek, jaqynda 1996 jyly kúzde áskerge ketіp, sodan oralmaǵan sarbazdyń tabylǵany týraly habarlandy. Atyraý oblysynyń 47 jastaǵy týmasy Beıbіt Qozybaevtyń anasymen qaıta qaýyshqan vıdeosy áleýmettіk jelіde tarady.
Ol joǵalǵanda halyqaralyq іzdeý jarııalanǵan. Aqtaý garnızonynyń áskerı prokýrory Erlan Qutqojanyń aıtýynsha, 28 jyl buryn іz-túzsіz ketken sarbazdyń qazіrgі máselesі zań sheńberіnde sheshіledі.
«Osy qylmystyq іs sheńberіnde QR Qylmystyq-protsestіk kodeksі talaptaryna sáıkes protsestіk sheshіm qabyldanady. Nátıjesі keıіnіrek habarlanady. Qylmystyq-protsestіk kodeksіnіń 201-babyna sáıkes sotqa deıіngі tergep-tekserý derekterі jarııa etіlmeıdі» - dedі Erlan Qutqoja.