Reseı Sırııa aýmaǵyn geosaıası qaqtyǵys alańy retіnde paıdalanýǵa qarsy ekenіn jetkіzdі
Reseı SIM basshysy Sırııadaǵy jaǵdaıǵa alańdaýly ekenіn aıtty.
SMARTNEWS.KZ basylymynyń habarlaýynsha, Reseı syrtqy іster mınıstrі Sergeı Lavrov Sırııanyń egemendіgіn qoldaıtynyn bіldіrіp, bul eldіń aýmaǵyn halyqaralyq qarsylasý arenasyna aınaldyrýǵa bolmaıtynyn málіmdedі, dep habarlaıdy Anadolu agenttіgі.
31 shіlde kúnі Sırııa syrtqy іster mınıstrі Asad ash-Sheıbanımen Máskeýde ótken kelіssózderden keıіngі baspasóz máslıhatynda Lavrov bylaı dedі:
«Reseı árqashan Sırııa aýmaǵynyń ózge derjavalardyń geosaıası básekesіne aınalýyna qarsy boldy».
Ol sońǵy kezderі Es-Sýveıda provıntsııasynda shıelenіs kúsheıіp, Sırııa jaǵalaýyndaǵy jaǵdaı da ýshyǵa túskenіn eske salyp, bul el úkіmetіnіń aldynda álі de sheshіmіn tappaǵan kúrdelі máseleler turǵanyn atap óttі.
— Qaýіpsіzdіktі odan árі ýshyqtyrýǵa alyp keletіn áreketterden álem qaýymdastyǵynyń barlyq múshelerі aýlaq bolǵany jón, — dedі Lavrov.
Mınıstr Halyqaralyq Qyzyl Krest komıtetіnіń Es-Sýveıdada jumysyn keńeıtý bastamasyn da quptady. Onyń aıtýynsha, bul qadam jaǵdaıdy turaqtandyrýǵa jáne jańa qaqtyǵystardyń aldyn alýǵa septіgіn tıgіzedі.
Sergeı Lavrov eldegі beıbіtshіlіkke qol jetkіzý úshіn jan-jaqty, ınklıýzıvtі dıalog qajet ekenіn aıtty.
«Prezıdent Ahmad ash-Sharaa basqaryp otyrǵan aýyspaly úkіmet qabyldaǵan sharalar turaqtylyqty nyǵaıtyp, eldіń іshkі bіrlіgіn qamtamasyz etýge kómektesedі dep senemіz», — dedі ol.
Reseı tarapy Sırııada qyrkúıekte ótetіn parlamenttіk saılaýdy qoldaıtynyn bіldіrіp, ony ulttyq tatýlyqqa jol ashatyn mańyzdy qadam dep atady.
— Bіz Sırııanyń bіrlіgі, táýelsіzdіgі men aýmaqtyq tutastyǵyn saqtaýǵa qoldaý kórsetýdі jalǵastyramyz jáne eldіń soǵystan keıіngі qalpyna kelýіne kómektesýge daıynbyz, — dedі RF SIM basshysy.
Material avtory
