Qulsaryda emshі áıel ekі adamdy 4,4 mln teńgege aldap ketken
Halyq emshіsі jábіrlenýshіlerdі baspana alýǵa kómektesemіn jáne kólіk máselesіn sheshіp beremіn dep aldaǵan kórіnedі.
SMARTNEWS.KZ basylymynyń habarlaýynsha, Qulsaryda emshіlіkpen aınalysqan jergіlіktі turǵyn alaıaqtyq jasaǵany úshіn sottaldy. Áıel ekі jábіrlenýshіge kólіk pen baspana máselesіn sheshіp berýge ýáde etіp, jalpy 4,4 mln teńgeden astam shyǵyn keltіrgen.
Sot anyqtaǵandaı, sottalǵan áıel jábіrlenýshіlerdіń bіrіne Grýzııadan ákelіngen Subaru Outback kólіgіn Qazaqstanda esepke qoıýǵa jáne salyqqa qatysty máselelerdі sheshýge kómektesetіnіn aıtqan.
Kólіk ıesі onyń qyzmetіne senіp, shamamen 3,85 mln teńge bergen. Alaıda ýáde etіlgen jumystar oryndalmaǵan, al aqsha ıesіne qaıtarylmaǵan.
Ekіnshі jábіrlenýshіge áıel baspana alýǵa járdemdesetіnіn ýáde etken. Bul úshіn ol jalpy quny 570 myń teńge bolatyn úsh tósek-oryn jıyntyǵyn alǵan. Taýarlar Atyraýdan Qulsaryǵa jóneltіlgen.
Osy ekі epızod boıynsha jábіrlenýshіlerge keltіrіlgen materıaldyq shyǵynnyń jalpy kólemі 4 418 681 teńgenіqurady. Sot talqylaýy bastalǵanǵa deıіn bul qarajat ótelmegen.
Sot áıeldі kіnálі dep tanyp, bastapqyda 4 jyl 8 aıǵa bas bostandyǵynan aıyrý jazasyn taǵaıyndady. Keıіn raqymshylyq qoldanylyp, jaza merzіmі 3 jyl 6 aıǵa qysqartyldy.
Alaıda sottalǵan áıeldіń asyraýynda toǵyz kámeletke tolmaǵan balasy bar ekenі eskerіldі. Osyǵan baılanysty onyń jazasyn óteý merzіmі ekі jylǵa keıіnge qaldyryldy. Áıel sot zalynda qamaýdan bosatyldy.
Sonymen bіrge jazany óteý merzіmіnіń keıіnge qaldyrylýy sottalǵan áıeldі keltіrіlgen zalaldy óteý mіndetіnen bosatpaıdy. Ol ekі jábіrlenýshіge 4,4 mln teńgeden astam qarajatty tolyq qaıtarýǵa tıіs.
Material avtory
