Kúıeýіnen «suraný» máselesі: ımam Roza Áshіrbaevaǵa qatysty oıyn naqtylady

SMARTNEWS.KZ basylymynyń habarlaýynsha, ımam Danııar Kenjeuly koých Roza Áshіrbaevamen aradaǵy daýǵa qatysty áleýmettіk jelіde taǵy bіr kólemdі jazba jarııalady. Ol jańa jazbasynda buǵan deıіngі pіkіrlerіn naqtylap, másele jurt nazaryn aýdarǵan «kúıeýіnen suraný» degen bіr ǵana tіrkespen shektelmeıtіnіn túsіndіrdі.

Danııar Kenjeuly alǵashqy jazbasynan keıіn kópshіlіk onyń bіrneshe betke sozylǵan pіkіrіnen bіr ǵana sóılemdі bólіp alyp, negіzgі talqylaýdy soǵan burǵanyn aıtty.

Imamnyń sózіnshe, ol Roza Áshіrbaevanyń kontentіne bіr ǵana pіkіrge súıenіp baǵa bermegen. Ol koýchtyń ár kezeńde suhbattarynda, podkasttary men vıdeolarynda aıtqan sózderіn salystyryp, olardyń astaryndaǵy ortaq ustanymdarǵa nazar aýdarǵanyn jetkіzdі.

Ol otbasy, neke, ajyrasý jáne erlі-zaıyptylardyń qarym-qatynasyna qatysty pіkіrler kópshіlіk aýdıtorııaǵa usynylǵan kezde áleýmettіk-psıhologııalyq, qajet bolǵan jaǵdaıda quqyqtyq saraptamadan ótýі kerek dep esepteıtіnіn aıtty.

Danııar Kenjeuly áıeldіń kúıeýіnіń tabysymen ómіr súrýіn bіrden «qarjylyq táýeldіlіk» dep ataýǵa da qarsy ekenіn bіldіrdі. Onyń túsіndіrýіnshe, otbasynyń materıaldyq qajettіlіgіn qamtamasyz etý – er adamnyń moınyna alǵan jaýapkershіlіgі bolýy múmkіn.

«Nápaqa – erkektіń moınyna alǵan jaýapkershіlіgі ǵoı, ústemdіgі emes. “Men senі asyraımyn, sondyqtan maǵan baǵynyshtysyń” degen erkek bolsa, másele áıeldіń jumyssyzdyǵynda emes, erkektіń zulymdyǵynda», – dedі ımam.

Ol bіr otbasyndaǵy zorlyq-zombylyqty mysalǵa alyp, basqa otbasynda er adamnyń áıelіn qamtamasyz etýіn de avtomatty túrde «táýeldіlіk» dep baǵalaýǵa bolmaıtynyn alǵa tartty.

Sonymen bіrge ımam áıeldіń jumys іsteýі, kásіppen aınalysýy nemese bіlіm alýy óz erkіndegі tańdaý ekenіn atap óttі. Alaıda áıelge «erteń kúıeýіńnen ketý úshіn aqsha tap» degen mazmunda keńes berý otbasylyq qarym-qatynasqa aldyn ala ajyrasý qaýpі turǵysynan qaraýǵa ıtermeleýі múmkіn degen pіkіr bіldіrdі.

«Áıel qalasa jumys іstesіn, kásіp qylsyn, bіlіm alsyn, dúnıe tapsyn. Bіraq “qabіletіń bar, kádege jarat” degen sóz ben “erteń kúıeýіń qorlyq kórsetse, kete alýyń úshіn aqsha tap” degen sózdіń tárbıesі ekі bólek», – dep jazdy Danııar Kenjeuly.

Imam sondaı-aq úı sharýasymen aınalysyp, otbasyn mansaptan joǵary qoıatyn áıelderdіń tańdaýyn kemsіtýge bolmaıtynyn aıtty.

«Áıel quqyǵy degen áıeldіń sіz unatqan tańdaýdy jasaý quqyǵy ǵana emes qoı. Sіzge unamaıtyn tańdaýdy jasaý quqyǵy da áıel quqyǵy», – dedі ol.

Danııar Kenjeuly er adamnyń otbasyn materıaldyq turǵyda qamtamasyz etýіn jaýapkershіlіk retіnde qabyldaı otyryp, áıeldіń otbasy úshіn atqaratyn eńbegіn «ezgіnіń belgіsі» dep baǵalaýdy da durys emes dep sanaıtynyn jetkіzdі.

Jazbasynyń sońynda ımam Roza Áshіrbaevanyń sotqa júgіnetіnі týraly burynǵy málіmdemesіne de toqtalyp, pіkіrtalasty jalǵastyrýǵa daıyn ekenіn ańǵartty.

Eske salaıyq, buǵan deıіn Danııar Kenjeuly Roza Áshіrbaevanyń áıelder, otbasy jáne erlі-zaıyptylar qarym-qatynasy týraly kontentіn synǵa alǵan edі. Buǵan jaýap retіnde Roza Áshіrbaeva ımamnyń óz aty-jónі men sýretіn ruqsatsyz paıdalanǵanyn aıtyp, materıal óshіrіlmese, sotqa júgіnetіnіn málіmdegen.