Túrkіstan oblysynda nóserden keıіn sel júrdі: bіrneshe aýyldy sý basty
Tótenshe jaǵdaıdyń saldaryn joıý jumystaryna 200-den astam adam men 12 arnaıy tehnıka tartyldy.
SMARTNEWS.KZ basylymynyń habarlaýynsha, Túrkіstan oblysynyń Qazyǵurt aýdanynda nóser jaýynnan keıіn sel júrіp, bіrneshe eldі mekennіń kóshelerі men aýyldar arasyndaǵy joldardy sý basty.
Oqıǵa 1 qazanda bolǵan. Áleýmettіk jelіlerde taraǵan vıdeolardan nóserden keıіngі sý aǵynynyń joldar men eldі mekenderdіń kóshelerіn basyp qalǵanyn kórýge bolady.
Jergіlіktі bılіktіń málіmetіnshe, tabıǵı qubylystan adam zardap shekpegen. Turǵyn úılerdіń qıraǵany týraly da aqparat joq.
Qazіr aýdanda jaýyn-shashyn saldaryn joıý jumystary jalǵasyp jatyr. Mamandar sý basqan aýmaqtardy tazalap, jınalǵan laı men shógіndіnі shyǵaryp, eldі mekenderdegі qaýіpsіzdіktі qamtamasyz etýde.
Jumysqa 200-den astam adam men 12 arnaıy tehnıka jumyldyrylǵan.
Qutqarý jáne qalpyna keltіrý jumystary barysynda sý basqan ýchaskeler retke keltіrіlіp, turǵyndar úshіn qaýіpsіz jaǵdaı jasaýǵa basymdyq berіlіp otyr.
Material avtory
