RUS
SMARTNEWS.KZ басылымының хабарлауынша, экс-министр, мәжіліс депутаты Асхат Аймағамбетов әйелдердің құқықтары мен балалардың қауіпсіздігін қорғау жөніндегі әзірленген заңның өзектілігі туралы айтты. Бұл туралы Аймағамбетов Instagram-дағы парақшасында жазды.
"Қазақстандықтар соңғы күндері сот залынан жаңалықтарды бақылап отыр. Менің ойымша, бұл жан түршігерлік оқиға ешкімді бей-жай қалдырмады. Резонанс тудырған сот процесінің аясында мәжіліс депутаттары бастамашылық етіп, қабылдаған әйелдердің құқықтары мен балалардың қауіпсіздігін қорғау жөніндегі заңның өзектілігі мен маңызы арта түсті", - деп жазды Аймағамбетов.
Ол президент Қасым-Жомарт Тоқаевтың сайлауалды бағдарламасында зорлық-зомбылықтың барлық түрі үшін жауапкершілікті қатаңдату міндеті қойылғанын еске салды.
"2023 жылғы наурызда өткен сайлаудан кейін мәжіліс депутаттары өздерінің алғашқы заң жобаларының бірі ретінде дәл осы заңға бастамашы болды. Яғни бұл заң 2023 жылғы қарашада болған қайғылы оқиғаларға дейін әзірленді", - деп жазды ол.
Депутаттың сөзінше, заң біздің қоғамдағы зорлық-зомбылықтың кез-келген түріне, ең алдымен әйелдер мен балаларға қарсы зорлық-зомбылыққа тиімді тосқауыл қоятын жаңа құқықтық нормаларды енгізеді.
Заңда мынадай жаңашылдық бар:
- ұрып-соғу немесе отбасылық-тұрмыстық қатынастар саласында өзге де зорлық-зомбылық әрекеттер жасағаны, денсаулығына жеңіл зиян келтіргені үшін қылмыстық жауапкершілік енгізуді;
- жәбірленушінің мәлімдемесін күтпей-ақ, БАҚ-тағы немесе онлайн платформалардағы хабарламалар негізінде, тұрмыстық зорлық-зомбылық қаупі немесе фактілері кезінде жеке профилактика іс-шараларын қолдану құқығын беруді;
- соттың, қазіргі уақытта жиі кездесетіндей, баспанадан балалар мен жәбірленушіні емес, агрессорды шығару құқығын;
- өз-өзіне қол жұмсауды насихаттағаны үшін, өзін-өзі өлтіруге итермелегені үшін қылмыстық жауапкершілікті енгізу.
- Педофилия және сәбилерді өлтіру үшін өмір бойына бас бостандығынан айыруды;
- 16 жасқа толмаған адамдарды жыныстық қудалау үшін қылмыстық жауапкершілікті енгізуді көздейді.