RUS
Бұл туралы елордада «TECHNOWOMEN СENTRAL ASIA: AI FUTURE» форумында айтылды.
Форумның алғашқы күнінде тасқыннан зардап шеккендер үшін гуманитарлық жиын жарияланады.
«Іс-шараның үш күнінде көп күтілетін қатысушыларымыздың көмегімен біз қаражат жинап, оларды зардап шеккендерге көмек көрсетуге бағыттай аламыз деп үміттенеміз. Сондай - ақ, форумда катаклизмді бақылау, атап айтқанда, жасанды интеллект пен жаңа технологиялардың көмегімен су тасқынын бақылау тақырыбында пікірталас өткізу туралы шешім қабылдадық», - деді Қазақстандағы «TechnoWomen» КЕҰ басқарма төрағасы Азиза Шужеева.
Оның айтуынша, форумның биылғы тақырыбы жасанды интеллектке арналады және су тасқыны жағдайында ЖИ көмегімен табиғи апаттардың алдын алу әдістері талқыланбақ.
«Біз су тасқынынан зардап шеккен отбасылар үшін «Жалғыз емессің» акциясын іске қостық. Онлайн психологиялық кеңес беруді ұйымдастырдық және қазір онлайн заңгерлік көмекті қосып жатырмыз. Бұл жоба бірнеше күн бойы жұмыс істейді және қазірдің өзінде тасқыннан кейін қалыпқа келу үшін цифрлық дағдыларды үйренуге дайын әйелдерден кері байланыс алдық. Олар іс жүзінде жаңа өмір бастайды және интернеттің көмегімен ақша таба алады. Тақырып өте өзекті. TechnoWomen жобасының миссиясы – цифрландыруды көпшілікке жеткізу», - деді Ә.Шужеева.