RUS
Бұл туралы smartnews.kz сайты хабарлап отыр.
Бұл жайында «Отбасы банкі» төрағасының орынбасары Нұрлан Ақшанов хабарлады. Оның сөзінше бағдарламаға қатысу үшін 18 наурыздан бастап 1 мыңнан астам өтінім келіп түсті.
«Отау» бағдарламасы Астана мен Алматы қалаларының тұрғындары үшін 30 млн теңгеге дейін және қалған өңірлер үшін 18 млн теңгеге дейін қарыз беруді ұсынады. Сыйақы мөлшерлемесі жылдық 9% -ды құрайды, бұл ретте бастапқы жарна 20% -ға тең, ал кредит беру мерзімі 19 жылға жетуі мүмкін.
Бағдарлама тек 18 ай бойы «Отбасы банкінде» кемінде 1 млн теңге жинағы бар Қазақстан азаматтарына немесе қандас мәртебесі бар тұлғаларға қолжетімді. Қатысушыларда соңғы 5 жыл ішінде жеке тұрғын үйі болмауы немесе жылжымайтын мүлікпен операциялар жасалмауы тиіс, сондай-ақ соңғы 6 айдағы ресми табыстың құжаттамалық растамасын ұсынуы тиіс.
Сонымен қатар, Ақшанов мегаполистер мен облыс орталықтарында тек бастапқы тұрғын үйді, ал қалған өңірлерде қосалқы тұрғын үйді сатып алуға болатынын атап өтті.
1 мамырдан бастап «Наурыз» жаңа бағдарламасының іске қосылатыны жарияланды. Оған қатысу үшін өтініш берген сәтте «Отбасы банкінде» 1 млн теңге сомадан кем емес салымдардың болуы, сондай-ақ соңғы 5 жыл ішінде жеке тұрғын үйінің және жылжымайтын мүлікпен байланыстыоперациялардың болмауы талап етіледі.
«Наурыз» бағдарламасында халықтың әлеуметтік осал топтары үшін сыйақы мөлшерлемесі 7%, ал қалған қатысушылар үшін - 9% құрайды. Бастапқы жарнаның мөлшері мен қарыз мерзімі «Отау» бағдарламасының шарттарына ұқсас болады.
Ислам Бақтыбайұлы
Алтынай Дауренқызы