«Ханзада Жумонг» рөлімен танымал актер қазақ кейіпкерін сомдауға дайын екенін мәлімдеді

Аиса Махамбет Редактор
16.06.2024, 19:55
1501
«Ханзада Жумонг» рөлімен танымал актер қазақ кейіпкерін сомдауға дайын екенін мәлімдеді ашық дереккөзден

«Жалғыз проблема тіл кедергі» дейді қазақты сомдауды армандайтын актер.

SMARTNEWS.KZ басылымының хабарлауынша, жуырда Оңтүстік Корея президенті Юн Сок Ёльдің Қазақстанға ресми сапармен келді. Осы сапар аясында екі ел өнерпаздарының гала-концертін "Ханзада Жумонг" рөлімен танымал актер Сон Иль Гук жүргізген болатын.

Елімізге екінші рет келген актер ҚазАқпарат тілшісіне сұқбат берді. Қазақстанға екінші рет келген Сон Иль Гук Қазақстаннан алған әсерін айтты. 

"Осыған дейін келгенде де, бұл жолы да уақыт өте тапшы болды. Сондықтан Қазақстан туралы көп мәлімет ала алмадым, өз көзіммен көре алмадым. Бірақ келердің алдында көп ақпарат оқып, мәдениеті мен табиғаты туралы, туристік орындары туралы бірталай іздендім. Алматының іргесіндегі Шымбұлақта шаңғы тепкім келіп еді. Бұл жолы да уақыт кестемнің тығыздығына байланысты ойға алғанымды іске асыра алмай кетіп бара жатқаным өте өкінішті", - деді ол. 

Бұл ретте актер алдағы уақытта Шымбұлаққа балаларымен бірге турист ретінде келіп, демалуы мүмкін екенін айтты. Сонымен бірге актер Қазақстан мен Корея бірлесіп кино түсірсе қазақ кейіпкерін сомдауға дайын екенін мәлімдеді. 

"Ондай ұсыныс келсе, мен үшін зор құрмет болатын еді. Біздің мәдениеттеріміз ұқсайтын болғандықтан, ондай рөлді жақсы сомдап шығуға дайын болар едім. Жалғыз проблема тіл кедергісі шығар. Тілдегі алшақтық қиындық туғызбаса, қазақ кейіпкерін ойнау, әсіресе тарихи фильмге түсу менің қолымнан келетін еді деп ойлаймын.

Кореяда адам саны көп болғанымен, Қазақстанға қарағанда жері шағын. Бос жер жоқ деуге болады. Қайда барсаң да ғимаратқа толы. Сол үшін бізде тарихи фильмдер түсіретін орын тапшы. Ал мұнда жер кең, сәйкесінше, локация көп. Тау керек пе, орман керек пе, шөл керек пе, көл керек пе – бәрі бар. Соны байқап осындай тарихи фильм түсірсе ғой деген ойға қалдым. Әрине, Қазақстан режиссерлерінен ұсыныс алғаным жақсы ғой, бірақ кореялық түсіру тобы Қазақстан жеріне келіп, кино түсірсе қалай болар еді деген оймен кетіп барамын. Бұл – нақты жоспар емес. Осы жолғы сапарда санамда осындай бір ой жылт етті", - деді Сон Иль Гук. 

Одан бөлек, "Ханзада Жумонг" қазақтың ұлттық тамағы "бешбармақты" ұнатқанын айтты. Енді ол лағманды жеп көргісі келеді екен.

"Оның дәмі ерекше деп көп естідім. Қазақстан қой етін дәмдеп ұсына алатын ел ретінде танымал болғандықтан, осы жердің кәуабын бір асықпай отырып жегім келеді. Шымбұлаққа балаларымды ертіп келіп жатсам, үшеміме сол қазақ кәуабының дәмін татқызғым келеді", - деді актер. 

«Бар болғаны 85 шаршы метр»: Мәдина Сәдуақасова Алматының ең қымбат ауданынан қымбат пәтер сатып алғанын айтты Дариға Назарбаева Дубай әуежайында жүр «Жағдайын көре тұра, көмектеспеген»: 25 жастағы жүкті әйелдің өліміне кінәлі аурухана дәрігерлері жазасын алды Елімізде әрбір бесінші әйел қатерлі ісіктен қайтыс болады Алматыда жүк көлігі 7 жасар қызды басып өлтірді (ВИДЕО) «Біреуі домбыраны харам дейді, біреуі туды қорлайды» – депутат Ермұрат Бәпи Абай облысындағы мектеп директоры мұғалімдеріне сарай мен монша салдырған Forbes әлемдік рейтиңінде қанша Қазақстан миллиардері жүргені анықталды Таиландта жұмыс істейтін Қазақстан азаматы жантүршігерлік жол апатынан қаза болды «Тіктіріп үлгермей жатырмын»: Гүлзира Айдарбекова ұлының сахнада костюмін сыйлап жібере беретінін айтты «Түнімен тігіп едім»: Түркиядағы митингке байланысты Динара Сәтжанның той көйлегі жете алмай қалды Астанада әкімдік жанындағы саябақтан Назарбаевтың суреттері алып тасталды «Күйеуге шыққанда қоямын»: Назым Қызайбай тұрмыс құрғасын боксты қоятынын айтты Екі жақты татуластыруға тыраштанып жүрген Трамп Ресей мен Украина президенттерінен көңілі қалғанын айтты Елімізде алдағы күндері ауа райы +35 градусқа дейін ыстық болмақ Forte Kulanshi Art Space: Астаналық арт-ортаның жаңа белесі Словения президенті Димаштың жанкүйері болып шықты «Qoslike» бағдарламасының жүргізушісі ұзатуында өзіне тілек айтып, халықтан сөз естіді (ВИДЕО) Енді жеке куәлікті онлайн алуға болады «Chanel, Dolce & Gabbana және Prada»: Тұрсынбек Қабатовтың әйелі туған күніне келген сыйлықтарды көрсетті