RUS
SMARTNEWS.KZ басылымының хабарлауынша, күйеуімен ажырасып кетсе де, енесімен әлі де құрбыдай араласатын Сәбира Нақысбекова «1001 түн» бағдарламасына берген сұхбатында бұрынғы енесін туған анасындай көретінін айтты. Оның бұл сұхбаты жұртты таңғалдырды.
Келін Сәбираның айтуынша, ол енесімен 13 жыл бір шаңырақ астында тұрған, осы уақыт аралығында енесі «мамасындай» болып кеткен.
«Қазір енеммен бірге тұрмаймыз. Мен күйеуіммен ажырасқаныммен, енеммен ажырасқан жоқпын. Өйткені менің енем туған анам секілді болып кеткен. Мен туған анаммен 20 жылдай бірге тұрдым. Ол кісі маған тәрбие берді. Содан кейін тұрмысқа шығып, енеммен 13 жыл бір шаңырақ астында тұрдық. Мен тұрмыста 16 жыл болдым, осы уақыт аралығында енем «мамам» секілді болып кеткен, сондықтан мен оны анам деп білемін.
Біздің қарым-қатынасымыздың осылай нығайып, жақсы болғанына бірінші кезекті енемнің ақылы себеп деп ойлаймын. Себебі ол өте ерекше адам, саналы ене», - деді келін Сәбира.