RUS
SMARTNEWS.KZ басылымының хабарлауынша, Павлодарда «Senat Open» ашық кубогының бірінші жартылай финалы өтті. Турнир алғаш рет Парламент Сенатының бастамасымен ұйымдастырылып, еліміздің барлық өңірлерін қамтыды.
Облыс әкімі Асайын Байханов шахматтан Парламент Сенатының ашық кубогына қатысушыларды құттықтады.
- Чемпионат тартысты өтіп, көптеген мазмұнды партиялардың куәсі болатынымызға сенімдімін. Турнир Астана күні қарсаңында ұйымдастырылып отыр. Барлық қатысушыларды осынау айтулы мерекемен құттықтаймын. Барлық қатысушыларға сәттілік және жеңістер тілеймін, - деді аймақ басшысы.
Павлодарда өткен жартылай финалға Ақмола, Қостанай, Павлодар және Солтүстік Қазақстан облыстарының іріктеу турларынан сәтті өткен әуесқой шахматшылар қатысты.
Жартылай финалдар аймақтық принцип бойынша қалыптасады – солтүстік, оңтүстік, батыс, шығыс және орталық. «Солтүстік» өңірінің үздік 25 өкілі осы жылдың тамыз айында Астанада өтетін Senat Оpen финалына қатысу үшін жолдама алады.