RUS
SMARTNEWS.KZ басылымының хабарлауынша, Халықаралық күрес федерациясы еркін күрестен 57 келідегі Мейрамбек Қартбайға Париж Олимпиадасының жолдамасын беретінін ресми түрде мәлімдеді.
Бұған Ресей палуандарының Олимпиадаға қатыспайтындығы жөніндегі шешімі әсер етті.
Естеріңізге сала кетейік, 2023 жылы Белградта өткен күрес түрлерінен Әлем чемпионатында 5-орын үшін таласта жерлесіміз Ресей атынан қатысқан Заур Угуевқа есе жіберген болатын.
Осылайша, еркін күрес түрінен жүлдеге таласатын спортшыларымыздың саны төртеуге дейін өсті.