RUS
SMARTNEWS.KZ басылымының хабарлауынша, Гүлзира Айдарбекова ұлы Қайрат Нұртасқа қатысты әсерлі жазба жариялады. Ол қазір абақтыда жатқан әншінің қарапайымдылығы туралы тағы да сөз қозғады. Гүлзира Айдарбекова өзіне қолдау бірген жандарға шын жүректен алғыс айтты.
«Сынақ қой ештеңе етпес, сіздер де жігерлі болыңыздар! Кімнің басынан не өтпейді, иә, иә бұлт артынан күн шығатынын ұмытпайық! Бес саусақ бірдей емес, бір ананың баласы мүгедек, бірі баласынан айырылып жатыр, бірі перзент сүйе алмай жүр, соның бәрін Алла тәубасына келсін деп көзіңе көрсетіп қояды екен. Иә тәуба, ең бастысы балам аман! Ер азамат қой, тағдырына көнеді, шыдайды, өзі әндеріне қосып айтқандай, «Шыда жүрек»! Тілеуін тілеп отырған барша аналарға айтарым: Көз жастарыңыз тек қуаныштан болсын!» - деді продюсер.
Осы тұста Айдарбекова ұлын Бибігүл Төлегенованың да сынаған сәтін еске алды.
«Екінші видеодағы «Ана» әнінде ютубтан толық нұсқасын байқасаңыздар, сахнадағы лейтта Бибігүл анамыздың суреті. Тура сол кезде апамыз «Қайрат – жер» деп біраз сағын сындырып еді. Бір разы болғаным, ұлым «қоя беріңіздерші, қарттық қой, ештеңе етпес, Бибігүл анамызды да қосыңыздар, ол кісіге де арнаймын» деді.
Көмекшілерім ұлымның сыртынан «жаным-ау, неткен қарапайымдылық, осы көркем мінезінің арқасында әлі орнын жоғалтпай, Алланың қалауында болып келеді ғой, әпке» деп, көздеріне жас алып еді. Адамдар соңғы кезде кекшіл, өсекшіл болып барады, ел болып түзелеміз бе десек, күннен күнге лаулаған оттай өршіп барады. Бір қазақпыз, қанымыз да, жанымыз да қазақпыз, неге ойланбасқа, ұрпағымыз бір қазақ емес пе», - деді продюсер.