RUS
SMARTNEWS.KZ басылымының хабарлауынша, әнші өмірінің қиын сәттері туралы ашып айтты. Бұл жағдай туралы ол Qazaq Airan You Tube арнасына берген сұхбатында мәлімдеді.
«Сол кезде биліктегі адамдардың арасынан менің жолымды бөгеп, эфирге шығартпаған адамдар болды. Олардың аты-жөндерін өзім де білмеймін. Бірақ, болды. Ақпараттық қысым көрсетті. Әйтпесе, мені қудалап, мынаны үйтесің, бүйтесің деген жағдайлар болған жоқ. Сол ақпараттық қысымның өзі маған ауыр тиді. Менің жол апатына ұшырағанымды сұмдық нәрсе болғандай бүкіл телеарналардан көрсетті ғой. Мүмкін біреулерді қосқан болар. Арасында депутат ағаларымыз да сөйледі. Мүмкін, оларға да сол керек болған шығар», — дейді өнер иесі.
Әнші жас кезінде жол көрсететін жақын жандардың болмағанын да жасырмады.
«Өнер жолында әділетсіздіктерге көп тап болдым. Жас болып, дүркіреп тұрған кезімде қасымда қарайлап жүретін, демеу болатын ешкім болмады. Сол кезде тіпті өзімнің қаншалықты жоғары деңгейде жүргенімді байқамағанмын. Біреулер тойға шақырып, келіскен ақшаның жартысын бермей қойған жағдайлар да болды. Менің жастығымды пайдаланды деуге болады», — дейді ол.