RUS
SMARTNEWS.KZ басылымының хабарлауынша, имам егер әйел шектен шығып жатса, оны ұруға болатынын айтты. Бұл туралы видео «Татар-информ» YouTube-арнасында жарияланған.
«Хазіретпен шай» подкастында татарстандық имам әйелдерге қатысты тұрмыстық зорлық-зомбылық туралы сұрақтарға жауап берген. Имам Тимур Камаев мұсылмандарға әйелдерін қай кезде ұруға болатынын түсіндірген.
«Бұл жерде мынаны анықтап алу керек: Егер ол түсінбей жатса, мисуах деген таяқшаны әйеліңізге бір-екі рет тигізіп қою керек. Бұл оның денесіне жарақат немесе көгеру қалдыру емес. Адамға «тоқта, сен дұрыс істемедің» дегенді ғана білдіреді. Еркектің қол көтеруі ол әйеліне деген разы еместігін білдіреді», - дейді имам.
Сондай-ақ, имам бірнеше кеңестер айтқан. Айтуынша, әйел, өзінің дұрыс емес нәрсе істеп жатқанын түсінуі керек.
«Бірге жататын төсекті бөліңіз. Әйел онда да түсінбей, дұрыс емес әрекетін жалғастырып, шектен шықса, ұруға болады”, – деді ол.