«Күшті ақша берсе ғана шығамын»: Тұрар Ыдырыс не үшін тойға бармайтынын түсіндірді (ВИДЕО)

SMARTNEWS.KZ басылымының хабарлауынша, жастар арасында танымал болған Тұрар Ыдырыс не үшін тойға барғысы келмейтінін айтты. 

Өнер иесі The DS' Show бағдарламасына келіп, той-томалаққа барғысы келмейтінін жасырмады. 

"Қазір тойға шықпаймын, көп бармаймын. Көбі мені тойдан көп қаражат табады деп ойлайды. Бірақ менің негізгі табысым – концерттер. Кейде күшті ақша берген кезде шығамыз ғой. Тойға әдейі көп гонорар айтамын. Мені алғанша басқа екі-үш әншіні алған той иесіне тиімді. Бармау үшін әдейі көп ақша сұраймын.

Тойға бара берсем қадірімді жоғалтып алатын сияқтымын. Концерттерге ақша жинау қиын болып кететін сияқты. Тойға қарсылығым жоқ. Тойдың атмосферасы ұнамайды. Достарыңның тойында мейлі. Ал енді ешкімді танымайтын жерде біреу тамақ ішіп отырады, біреу сені тыңдамайды да. Сосын келіп, суретке түсіп жатады. Өзіме кішкене сол жағы ұнамайды. Өзім де қысыламын", – деді хитмен.