RUS
SMARTNEWS.KZ басылымының хабарлауынша, Түркияда демалып қайтқан танымал тележүргізуші Анна Данченко өміріндегі өзгерістерді әңгімелеп берді.
Айтуынша, ол анасы ауырып жатқандықтан бес жылдан бері демалысқа шықпаған көрінеді.
«Түркиядағы 5 күндік демалысымды 5 жыл күтіп, ол болса 5 минуттай өтіп кетті. Бұл демалысым жоспарлы түрде болды деп айтсам қателеспеймін, себебі үйден де, қаладан да, тіпті мемлекеттен шығуым оңай емес. Анам қолымда, үлкен кісіге қарау, көңілін табу оңай емес, білесіздер. Оған қоса ауырып жүргеннен кейін жанынан алыс кете алмаймын.
Биыл Әкеміздің өмірден өткеніне 2 жыл, тамызда, бұйыртса, ас беріп, Құран оқытамыз. Ресейден Әпкем келді», - деді ол.
Сондай-ақ ол демалысты бірге жоспарлаған қыздардың өзін тастап кеткенін айтты.
«Жұмыстан сәл қолым босап еді, қыздармен демалысты жоспарладық. Үш адамға саяхаттаған қызығырақ және де арзандау. Бірақ, олар аяқ асты, менен бір күні ерте және басқа құрбыларымен кететін болып, мен жалғыз қалдым. Әрине, мен үшін 1 күн де маңызды, әпкем келмейінше Анамды тастап кете алмаймын дедім.
Өз шешімдері, ренжіген жоқпын, бірақ біртүрлі болып қалдым, себебі мен үнемі өзімді емес, өзгелерді 1 орынға қоятынмын. Сөйтсеееееем, әр адам бірінші өзін ойлайды екен ғой. Аңқау емес едім, тым ақкөңілмін ба, сондаймын.
Әңгіменің қысқасы, 1 адамдық демалысты сатып алдым, бірақ екі адамның ақшасын төледім. 1 млн теңгеден асты енді((( Жақсы қонақ үй таңдадым, жалпы, қанша еңбек етсем де өзімнен аяп жүріппін. Сонда, Әке-шешемнен басқа “рахмет” деп айтып жатқан жан жоқ, былай қарасам.
Әбден жұмыс істеп, айналамдағы адамдарды қуантуға тырысатынмын. Өзіме ше? Бұл сұрақты өзіме енді қойып, жауабын енді алғандаймын.
Бұндай ақшаға 5-ақ күн аз дерсіз, иә, келісемін. Алайда, осы жасқа келіп, өзіңе де бір сәт бөлу керек екенін түсіндім. Қазір қаласам өзім киноға да, кафеге де бара беремін жалғыз. Өзіммен өзім серуендеп те жүре беремін.
“Адамға адам керек”. Алла бұйыртса, ол күн де келер. Көбісі, қыздарға ренжіп қалыпсыз дейді. Жоооооқ! Керісінше, қанша жыл стрессте жүріп, жалғыз өзім барып демалып қайтқаныма қатты қуандым. Рас айтам! Маған сол нәрсе қатты керек болған екен. Ал, “Аллаға бәрін тапсырсаң - өзі реттейді” деген сөздің жаны бар. Тағы да көзім жетті.
Ешкімнен ешнәрсе күтпеңіздер! Барлығы Сіз жоспарлағандай болмауы да мүмкін, бірақ шын ниеттеніп, дұға етіп, Алладан сұрасаңыз, Сізге мың есе артығымен береді. РАС!, - деп жазды ол.