RUS
SMARTNEWS.KZ басылымының хабарлауынша, Астананың Мәскеудегі Мәдениет күндері аясындағы іс-шаралардың екінші күні "Гауһартас" спектаклін көрсетумен айшықталды.
Астана әкімдігі Жасөспірім көрермендер музыкалық театрының әртістері Драмалық өнер мектебінің сахнасында жазушы және драматург Дулат Исабековтің аттас повесінің өз нұқсасын ұсынды.
Режиссер Асхат Маемиров "автор өз туындысын 1967 жылы Мәскеу қаласының түбінде әскер қатарында қызмет етіп жүргенде жазған" деген қызықты дерекпен бөлісті. Содан бері жарты ғасырдан астам уақыт өтті, бірақ бір қазақ отбасындағы өзара қарым-қатынастар туралы сюжет өзектілігін жойған жоқ.
1975 жылы повестің желісімен көркем фильм түсірілді, ал 2023 жылы туынды театр сахнасына жолдама алды. Қызықтысы, спектакльдегі "Құдаша" халық әнімен бидің видеосы алғашқы көрсетілімге дейін-ақ әлеуметтік желілерде миллионнан астам қаралым жинады.
"Гауһартас" Қазақстанда зор табыспен әрі аншлагтармен өтіп жатыр. Мәскеудегі көрсетілім де солай болды. Көрермендер қойылымды жылы ықыласпен қабылдап, әртістердің шеберлігін өте жан тебірентерлік, әрі шынайы деп атады. Орыс тілді аудитория сюжетті аудармасыз түсінді, өйткені кейіпкерлердің образдары мен мінез-құлқы ұлтына қарамастан танымал болды.
Осымен Астананың Мәскеудегі Мәдениет күндерінің театр бөлімі аяқталды. Алдымызда – Люблинск саябағында "Астана – менің махаббатым" фотокөрмесінің ашылуы мен Мәскеу Халықаралық Музыка үйінде Қазақстан өнер шеберлерінің қатысуымен гала-концерт.