«Такато екі кимоносын да сыйға берді»: Елдос Сметов жарысқа өз кимоносын тіктіріп үлгермегенін айтты

05.08.2024, 14:22
1232
«Такато екі кимоносын да сыйға берді»: Елдос Сметов жарысқа өз кимоносын тіктіріп үлгермегенін айтты бейнежазбадан алынған кадр

Такато өзінің киіп жүрген ақ кимоносын, әлі киілмеген көк кимоносын бере салды дейді чемпион.

SMARTNEWS.KZ басылымының хабарлауынша, Париж Олимпиадасының чемпионы Елдос Сметов татамиге жапон дзюдошысының кимоносын киіп шыққаны туралы айтты. Бұл туралы Msports.kz жазды. 

Елдос Сметов Париж татамиінде әйгілі жапон дзюдошысы Наохиса Такатоның кимоносын киіп белдескен еді. Себебі 60 кг салмақ дәрежесінде Олимпиадаға баратын қазақстандық дзюдошы кеш анықталғандықтан, Сметов кимоно тіктіруге үлгермей қалған. 

"Олимпиада алдында кимононы тіктіріп күресемін деп ойладым. Токиода арнайы тапсырыспен жасатып күрескенмін. Бұл жолы да солай жасағым келген. Бірақ бұл жолы баратыным өте кеш анықталды. Тапсырысыма үлгермейтін болды. Такатомен бірдей өлшемде кимоно киемін. Тура тіктіру үшін одан рұқсат алуым керек. Ол тігетін компанияға рұқсатын беру керек. Одан кейін барып маған тігіп береді. Мен онымен сөйлесіп, кимоно тіктіріп беруін сұрадым. Ол сөйлесіп, уақытпен олар да үлгермейтінін айтты.

Енді не істеймін деп қиналып тұрғанымды көріп, Такато өзінің киіп жүрген ақ кимоносын, әлі киілмеген көк кимоносын Олимпиадаға бара жатсың, менің атымнан сый ретінде қабыл ал деп салып жіберді. Ұнаса жарысыңа киесің, ұнамаса жаттығуға киерсің. Менің достық сыйлығым болсын деген ниетпен берді. Екеуміз 6 рет кездесіп, бәрінде оған есе жібердім. Бірақ екеуміздің белдесуіміз әрқашан қызықты болған, соңына дейін күресетінбіз. 10 жылдан бері бір-бірімізді танимыз, жақсы доспыз", - деді Елдос. 

Желіде Елдос Сметовтың финалдағы жеңісінен кейін туды алып желбіретер сәтте ұйымдастырушылар кедергі жасап, туды тартып алуға тырысқаны түсірілген видео жарияланған еді. Чемпион бұл туралы пікірін айтты. 

"Бәрі тез болды. Дұрыс түсінбей де қалдым. Қолымнан туды алдырған жоқпын, жыққан жоқпын, жұлдырған жоқпын, ешкімге берген жоқпын. Соңына дейін өзім ұстап, өзім алып кеттім", - деді дзюдошы. 

Елдос Сметов Олимпиада чемпионы атанған соң, Париждегі такси жүргізушілерінің бірі оны танып, жеңісімен құттықтаған екен.

"Жарыстарға бару үшін такси жалдадық. Жүргізуші айнаға қарап қояды. Бір уақытта, "Are you Smetov?" деп сұрады. Иә, десем. "Olympic champion" деп құттықтап, қуанып жатыр. Парижде жұмыс істеп жүрген қарапайым адам қазақтың баласын танып қалғаны, мені таңғалдырды. Олимпиада чемпионы екенімді сезіндірді", - деді қазақстандық спортшы. 

Сондай-ақ Елдос Сметов жаттықтырушы болу ойда бар екенін, 36 жасында тағы бір Олимпиада ойындарына қатысуы мүмкін екенін айтты.

«Енді Rolls-Royce алып береді»: Динара Сәтжан жаңа күйеуінің өзін қалай еркелететінін айтып берді Шымкентте бір топ еркек құлағы естімейтін қызды тапшанда зорлап, соны видеоға түсірген «Сүйеу болар әкең жоқ»: Меруерт Түсіпбаева IELTS-тан жоғары балл жинаған Мақпал Жүнісованың қызын үлгі етті Тұрсын Алагөзов өз қызметкерлеріне қымбат көліктер сыйлады (ВИДЕО) «Ақталғым келмейді»: актер өз әйелін ұрғанын мойындап, оның ата-анасынан кешірім сұрады (ВИДЕО) Декретке миллионмен шыққан 113 әйел сотталмақ Үкімет зейнеткерлердің несиесі кешірілсін деген талапқа жауап қайтарды Ақтөбеде ер адам трансформаторлар ұрлаған «4 машина, 4 пәтер, ғимарат»: Перизат Қайрат миллиардты қайда жұмсағаны туралы тізім жасалды «Анасы адвокат болғасын қорықтым»: танымал әнші Say Mo бұрынғы актер күйеуінен зорлық көргенін жайып салды «Құдайдан қыз болып оянуымды тіледім»: Атышулы Амилай балалық шағынан сыр шертті Журналист Сәуле Әбілдаханқызының қандастар «елді сатып кетеді» деген жазбасын полиция тексеріп жатыр «Екі жыл бұрын ажырасып кетті»: Динара Сәтжан жолдасымен некесін қиды Ақтөбеде марқұмның туыстары ағасын рұқсатсыз жерлеген екі ведомстводан өтемақы талап етті Әйелін бірнеше жыл сабаған дипломат Сәкен Мамаш Астанада тұтқындалды «Мектепте «мини юбка» киген қыздар жүкті болып жатыр»: Атышулы блогер мектепте орамалды рұқсат етпейтін заңға ренжіді Танымал актер әйеліне лифтіде шабуыл жасағаны үшін түсірілім алаңынан қуылды (ВИДЕО) Спортшы Сұлтан Заурбекке Шымкент қаласының әкімі демеушілік жасай ма? Қуандық Бишімбаевтың әкесі Таразда Bishimbayev University оқу орнын ашпақ Ақтауда өтіп бара жатқандар қызды зорламақ болған ер адамды тұрғындар ұстап алды