RUS
SMARTNEWS.KZ басылымының хабарлауынша, облыс бойынша Мұнайлы ауданында 2, Жаңаөзен қаласында, Қарақия және Түпқараған аудандарында 1 пансионат түріндегі 5 қайырымдылық мекемесі жұмыс істеген.
Алайда олардың қызметі олардың жарғылық мақсаттарына қайшы келді. Сондай-ақ мекемелердің лицензиясы болмаған.
Барлық мекемелер бойынша тәрбиеленушілердің діни әдебиеттерді пайдаланғаны және басқа да заңдылықты бұзушылық дерегі анықталды. Бұл ретте, қайырымдылық мекемелерінің білім беру қызметімен айналысуға лицензиялары болмаған. Осылайша балалардың білім, тәрбие және уақтылы медициналық көмек алу құқықтары мен бостандықтары айтарлықтай бұзылған, – делінген хабарламада.
Нәтижесінде еңбек, санитарлық-эпидемиологиялық және өрт сөндіру заңнамасының талаптарын бұзғаны үшін пансионаттар басшылығына қатысты 11 әкімшілік хаттама толтырылып, 1,3 миллион теңге айыппұл салынды.
Балаларды тәрбиелеу жөнiндегi мiндеттердi тиiсiнше орындамағаны үшiн олардың ата-аналары әкiмшiлiк жауапкершілікке тартылды. Прокурорлардың талап-арыздары бойынша сот барлық көрсетілген пансионаттардың тіркеу күшін жойып, қызметтерін тоқтатты.