RUS
SMARTNEWS.KZ басылымының хабарлауынша, бронхитке шалдыққанын айтқан Елена Рыбакина Париж олимпиадасына бір күн қалғанда қатыспайтынын айтқан еді.
Енді Олимпиадаға қатыса алмаған Елена Рыбакина жазылғанын айтып, жарыс жолына қайта оралды.
АҚШ-тағы WTA сериясына кіретін Цинциннати турнирі өзінің Instagram парақшасында қазақстандық теннисші Елена Рыбакинаның дайындық барысындағы видеосын жариялады.
«Елена Рыбакина жаттығу процесін мастер-класқа айналдырды. Елена бұл маусымда Cincinnati Open титулын Қазақстанға алып кете ала ма?» - деп жазды Цинциннати турнирінің Instagram парақшасы.
Айта кетейік, осыған дейін Елена Рыбакина денсаулығына байланысты Олимпиадаға қатысудан бас тартқан болатын. Түркияда демалып жүрген отандасымыз Париж Олимпиадасының алдында бронхит болып ауырып қалғанын айтқан.