RUS
SMARTNEWS.KZ басылымының хабарлауынша, күйеуімен ажырасып ата-анасының үйіне қайтып келген жас келіншек ағаларының қорлап жатқанын айтып, жылады. Бұл туралы KYN.KZ жазды.
Бұл туралы видеоны заңгер Ләззат Рақышева өзінің парақшасында бөлісті. Келіншектің айтуынша, ажырасып келген оны ағалары үйге кіргізбей жатыр екен.
«Қазір әке-шешемнің үйіндемін. Анам қанша жерден қолдағанымен, ағаларым үйге кіргізбей жатыр. «Кешке дейін үйді босат, көзіме көрінбеңдер» деп жатыр. Сіздер халық болып мені қолдап жатырсыздар.
Ал мені туған-туысқандарым мені қолдамайды. Мен үшін өте ауыр. Ағаларымды түсіне алмаймын. Өздері қатындарын ұрады. «Өлгенің жақсы еді, қайтып келіп позор қылғанша» дейді. Жақын адамның қолдауы жоқ болғаны маған қиын», - дейді видеода жылап тұрып келіншек.
Желі қолданушылары жас келіншекке жұбату айтып, қамқорлығына алмаған ағаларын сөкті.
«Жаным, қайтып келгенің үшін саған позор емес, сені қорғай алмаған қолдай алмаған ағаларыңа позор. Осындай қараңғылықтан, пасықтықтан қашан құтылады екенбіз қайран қазағым. Анасы қолдаса да тыңдамаған», «Анасы қолдаса да тыңдамағанына қарағанда бұл отбасында әйелді адам құрлы көрмейді ғой», «Бұл отбасыда мейірім, шапағат жоқ. Қарындасын қорғай алмаған аға - аға емес», «Мұндай ағаларының барынан жоғы жақсы дейсің ғой»,- деп жазды олар.