RUS
SMARTNEWS.KZ басылымының хабарлауынша, танымал жайдарманшы Нұрсұлтан Жақсыгеннің бұрынғы әйелі Фариза Алмасқызы не үшін ажырасып кеткендерін айтты.
Оның сөзінше, ата-енесі түрлі нәрсе үшін тиісе берген.
Үй салып, ауылдан ата-анамызды әкеліп бірге тұрдық. 1 жасқа толмаған баламен үйде болдым, сосын енем жұмысқа шық деді, айлығыңды қолыма әкеліп отырасың дегенде тала жаздадым. Бермейтінімді айтқаннан бастап, тиісе бастады, - дейді Фариза.
Ол баласы өте агрессивті екенін алға тартады.
Айсұлтанның ашуланып жылағанын жаймен қабылдаймын, бірақ атам әрдайым айқайлап, «оны ұру керек, бұндай балаларды ұрып тәрбиелемесе бетімен кетеді» деп айтатын, - дейді ол.
Фаризаның сөзінше бір күні атасы екеуін шақырып алып, ажырасыңдар деген.
«Нұрсұлтан, сен өнер адамысың, саған әйел табылады, ажырасыңдар!» деді. Сол кезде енемнің айтқан сөзі: «иә, бұл біресе шашын бояйды, біресе тойға барады, енді бәрін ұмыт, үйде отырасың ешқайда шықпай» деп таңқалдырды. Ажырасыңдар деген адаммен қалай бірге тұрасың?, - дейді Фариза.
Еске салайық, Нұрсұлтан Жақсыген жеке парақшасында «Менің міндетім – ата-анамның разылығын алу. Әйелімнің міндеті – ерінің разылығын алу. Біліп қойыңдар. Сондықтан қайырлы болса, жақындатады, қайырсыз болса, алыстатады» деген еді. Ол әйелі ата-анасын сыйламаған соң ажырасуға мәжбүр болғанын айтты.
Кейіннен әйелімен ажырасқан актер Нұрсұлтан Жақсыген алимент сомасын азайтуға арыз жазғанын айтқан еді. Ол әйеліне заңды сатып алатынын айтқан.