RUS
SMARTNEWS.KZ басылымының хабарлауынша, термеші, әрі жыршы Айгүл Елшібаева қазақтың дәстүрлеріне қол сұққан жат ағымның өкілдерін сынады. Ол қыз ұзатуда Құран оқытқанына шүйлікті.
«Алжыған уахабтар! Қыз баланы құран оқып, өлік жөнелткендей ұзатқан не масқара. Көрген көзде жазық жоқ.
Уахабтар салт-дәстүрге қарсы болсаңдар, құран оқып ұзатқанша, ұзату тойын жасамай, үйлеріңнен жібере салсаңдаршы, салт-дәстүрімізді қор қылмай», - деп жазады ол желідегі парақшасына.
Айгүл Елшібаева қазақ салтына мұндай ылаң салып жүргендер Әбу Ханифа мазхабын ұстанған мұсылмандар емес, уахабтар деген пікірге тоқталды.
«Арабтарда күң-құл сату, әйелдің билігі екінші орында болғандықтан, қазақтың дәстүріндей қыз балаға құрметі жоқ.
Тойды садақаға айналдырған, садақа мен қыз ұзату салт-дәстүрді айыра алмаған дүбара сауатсыздар.
Уахаб шейхтарыңа ұнаймын дегенше, өле қалыңдар, қазақ болмай кеткірлер.
Ұлтымыздың тәрбиелі, мағыналы, қыз балаға ақ тілегімен құрмет көрсеткен салт-дәстүрін садақаға айналдырған сатқындар.
Ислам діні, Әбу Ханифа мазхабын ұстаған қазақ неше ғасыр мұндай сұмдықты көрмеген шығар! Осылардыкі дұрыс па, ағайын?», - деп жазды ол.