«Алланың қалауымен үйлі болдыңыздар»: Бетперделі жігіт баспанасын су алған 34 отбасына үй берді

SMARTNEWS.KZ басылымының хабарлауынша, видео Instagram желісіндегі Сhelovekvmaskee парақшасында жарияланды.

"Кешіріңіз, апа. Сіздер судан зардап шектіңіздер ғой!? Рұқсат болса, Алланың қалауымен сіздер үйлі болдыңыздар", – дейді видеода жомарт жігіт.

Сонымен қатар ол баспана қай өңірлердің тұрғындарына берілгенін атап өтті.

"Су тасқынынан зардап шеккен 34 отбасы баспаналы болды. Біз сіздермен бірлесіп, 1 млн долларды су тасқынынан зардап шеккен Қазақстанның әр өңіріне үлестірдік. Батыс Қазақстан облысы, Ақтөбе облысы, Атырау облысы, Қостанай облысы, Солтүстік Қазақстан облысы", – деді ол.