RUS
SMARTNEWS.KZ басылымының хабарлауынша, Ален Делон өткен ғасырдың 60-80-жылдардағы театр және кино актері. 2019 жылы Ален Делон инсульт алып, отадан кейін Швейцарияға көшті. Өмірінің соңғы жылдарында актер Альцгеймер ауруымен ауырды.
“Қош болыңыз, Ален Делон! Жаныңыз жаннатта шалқысын! Менің ғана емес, бүкіл бір дәуірдің қыз-келіншектерінің жүректеріне ғашық отын тұтатқан ақбозат мінген ханзада. Махаббат пен сұлулықтың символы болған сіздің жанарыңыз, тұздай көк көзіңіз, даусыңыз, жымиған күлкіңіз, талғампаздығыңыз такаппарлығыңыз сомдаған рөлдеріңіз мәңгі адамзат мұрасына өнер деген құдыреттің болмысын архив етіп қалдырып кете бердіңіз… Рақмет, сіздің өнерге адал әрі әділетті көз-қарасыңыз бен пікірлеріңіз үшін!”, – деп жазды әнші.
Сондай-ақ өнер иесі Францияда жүргенде әлемге әйгілі актермен жүздескен сәтін де есіне алды.
“Францияда жүргенімде алыстан қарап сізге тамсанып, жаныңызға барып қолыңызды алуға батылым бармады. Өйткені, сіз менің бала кезімде ғашық деген ғажап әрі құрметті сезімді оятқансыз. “Зорро” фильмін мың рет көрсем де еш жалыққан емеспін. Әдемілікке ғашық болуды үйреткен өзіңіз. Сол үшін рақмет, сізге!”, – деді өнер иесі.