RUS
SMARTNEWS.KZ басылымының хабарлауынша, Жазира Байырбекова алғаш тұрмысқа шыққан кезін еске алып, желіде сыр шертті. Өнер иесі келін болып түскенде жолдасымен қол ұстасып жүре алмағанын айтты.
Жазира Байырбекова Instagram-дағы парақшасында жолдасымен қол ұстасып келе жатқан видеосын жариялап, отау құрған кезін есіне алды.
Өнер иесі алғаш тұрмысқа шыққан кезде күйеуімен бұлай жүре алмағанын ашып айтты. Әншінің сөзінше, ауылда отағасымен қол ұстасып жүрген ерсі саналатын.
"28 жыл бұрын үйленген жұп деп кім айтады бізді. Жаңадан үйленгенде қол ұстасып жүре алмадық. Ұят, масқара деді ауылда. Қазір енді ұят емес шығар иә", - деп жазды шоу-бизнес жұлдызы.
Айта кетейік, бұған дейін Жазира Байырбекова желіде жеке өмірі туралы жан сырын ақтарып, қалай тұрмысқа шыққанын айтты. Өнер иесі үйі, жұмысы, атағы да жоқ жігітпен отау құрғанын жеткізді.