RUS
SMARTNEWS.KZ басылымының хабарлауынша, өнер иесі журналист Анна Данченкоға сұхбат беріп, қыз баланың қай жаста тұрмысқа шыққаны тағдырына жазылған дүние деп топшылады.
“Мен қыздарымның тұрмысқа шығуына қарсы емеспін. Бірақ 16 жасында тұрмысқа шыққаны қиындау секілді. Бірақ әр адам өзінің маңдайына жазылған дүниені көреді. Қай жаста шықса да, тек бақыт тілеймін. Ешқандай артық сөз айтпаймын. Біз емес ол мәселені талқылайтын. Ең бастысы, жастар бақытты болсын!”, – деп тіледі продюсер.
Сонымен қатар медиа менеджері өзінің қай жаста тұрмысқа шыққанын есіне алды.
“Өзім 20 жасымда тұрмысқа шықтым. Үлкен қызым Әдемі 20 жасқа толды. Қарап отырсам, қызым әлі бала. Оның дене бетімі бойшаң, ірі болғанымен, ой-өрісі әлі бала. Оның кейде ойнап жүргенін көріп, “Қызым, мен сенің жасыңда тұрмысқа шыққанмын. 21 жасымда балалы болдым” десем, “Мама, мені асықтырмаңыз, қазір заман басқа” дейді. Балаларымның бақытты болғанын қалаймын”, – деп ағынан жарылды шоу-бизнес өкілі.
Еске салайық, ҚМДБ өкілдері әнші Абай Бегейдің 16 жастағы қызының некесіне қатысты әлеуметтік желіде тараған ақпаратқа пікір білдіріп, некені мешіт имамдары қимағанын мәлімдеген еді.