RUS
SMARTNEWS.KZ басылымының хабарлауынша, "Қазгидромет" 26 тамызға арналған ауа райы болжамын жариялады.
Синоптиктердің мәліметінше, бүгін солтүстік-батыс циклонының әсерінен ел аумағының басым бөлігінде тұрақсыз ауа райы сақталады. Күн күркіреп, жаңбыр жауады.
Республиканың батысында және оңтүстігінде ғана күн ашық, жауын-шашынсыз болады.
Ел бойынша жел күшейеді, солтүстікте, солтүстік-батыста, шығыста, елдің орталығында кей уақытта тұман күтіледі.
Ел аумағының басым бөлігінде төтенше өрт қаупі бар.