RUS
SMARTNEWS.KZ басылымының хабарлауынша, «QAZBILIM» орталығының директоры Аятжан Ахметжанұлы өз атынан 420 оқушыға грант бермекші, деп Azattyq Rýhy жазды.
Ол сөз басында ұлттық мектептегі оқу ақысы неге қымбат екенін түсіндірген. Аятжанұлының айтуынша, мектеп орналасқан ғимараттың жалға алу құны, мұғалімдер мен қызметкерлердің жалақысы, коммуналдық шығындар мен күнделікті керек-жарақтың шығындары көп қаржыны талап етеді.
«Өз атымнан тағы 420 оқушыға грант беремін. Ұлттық мектеп неге ақылы деп сынайтындар көп, қымбат деп ренжитіндер де көп. Мектептің материалдық шарт жағдайын жасақтауды айтпағанда, осы төрт үлкен шығын бар. Ал мемлекеттен жан басына қаржыландыру бағытында берілетін шығын осының біреуін толық жаппайды. Сондықтан ата-ана төлеміне жүгінеміз», - дейді Ахметжанұлы.
Себебі, сапалы дүние жасау үшін үлкен қаржы керек. Білікті маманға жақсы жалақы керек.
«Бірақ жеңілдік сұраған ата-аналар мен өтініш айтқан адамдар тым көп болуын ескере отырып, экономикалық мүмкіндіктерімді саралай отырып, мүмкіндігім бар 3 қалаға тағы 420 оқушыға грант беруді жөн көрдім. Оқу жылы соңында 8 қаладағы QAZBILIM ұлттық лицейлеріне 300 оқушыға грант берген болатынмын. Екі реттегі берілген гранттың жалпы құны 800 миллион теңгеден асады», - дейді ол.
Осы жолғы бөлінетін гранттар тізімі мына мектептерден болмақ:
QAZBILIM SHYMKENT-2 ұлттық лицейіне
-100% гранттан - 100 оқушыға грант;
-50% гранттан - 50 оқушыға грант;
QAZBILIM QYZYLORDA ұлттық лицейіне
-100% гранттан - 100 оқушыға грант;
-50% гранттан - 50 оқушыға грант;
Тел. 8701 934 8008
QAZBILIM ATYRAU ұлттық лицейіне
-100% гранттан - 20 оқушыға грант;
-50% гранттан - 100 оқушыға грант беремін деп шештім.
«Қабылдау емтиханы 28 тамыз күні болады. Емтиханға алдын ала тіркелу міндетті», - деп жазды ол.