1 қыркүйекке қараған түні KAZ Minerals компаниясына қарасты «Артемьев» шахтасында үстіне тас құлап кеткен мердігер ұйымның үңгушісі қаза болды.
«Оқиғаның мән-жайы мен себебі анықталып жатыр. Қайғылы жағдайды тергеу бойынша арнайы комиссиялар құрылды. KAZ Minerals Тобы директорлар кеңесінің төрағасы Олег Новачук тергеуге қатысу үшін сол жерге келді», - деп хабарлады компанияның баспасөз қызметінен.
KAZ Minerals Тобының басшылығы мен ұжымы марқұмдардың туыстары мен жақындарына қайғырып, көңіл айтты. Компания олардың отбасыларына жан-жақты көмек көрсетпек.
Еске салсақ, кеше Шығыс Қазақстан облысындағы «Ертіс» шахтасында 4 адам қаза болғаны хабарланған.
ШҚО әкімі Ермек Көшербаев «Ертіс» шахтасында қаза болған жұмысшылардың отбасыларына барып, көңіл айтты.
