RUS
SMARTNEWS.KZ басылымының хабарлауынша, Қазақстандық танымал әнші Жазира Байырбекова желіде жаңа жазба жариялап, отбасы құндылығын сақтау жөнінде сыр шертті. Өнер иесі тұрмысқа шыққанына біраз уақыт болса да, әлі күнге дейін анасын үйіне әкелу үшін алдымен күйеуінен рұқсат сұрайтынын айтты.
Жазира Байырбекова отбасы мәселесі туралы Instagram-дағы парақшасында айтты. Әнші көп жағдайда жолдасына жүгініп, оның рұқсатын алатынын жеткізді. Ол тіпті анасын үйіне шақыру үшін де алдымен отағасынан сұрайтынын жасырмады.
"Отбасы құндылығын сақтаудың құпиясын сұрайды. Оның нақты формуласы жоқ қой. Мысалы мен үйленгенімізге 28 жыл өтсе де, өз анамды үйге әкелетін кезде Жанболаттан рұқсат сұраймын. Үйге қонақ шақыратын кезде, біреуге үлкен сыйлық жасайтын кезде, бір жаққа баратын кезде де солай. Ал қазіргі қоғам бұл әрекеттерім дұрыс емес дейді. Ненің дұрыс, ненің бұрыс екенін түсінбей қалдық", - деп жазды Байырбекова.