RUS
SMARTNEWS.KZ басылымының хабарлауынша, Қазақстан бойынша алдағы 5-7 қыркүйек күндеріне арналған Қазгидрометтің ауа райы болжамы жарияланды.
Синоптиктердің мәліметінше, Қазақстанның басым бөлігінде тұрақсыз ауа-райы сақталады. Жаңбыр жауып, оңтүстік өңірлерде найзағай байқалады деп болжанады.
7 қыркүйекте еліміздің солтүстігінде, оңтүстігінде және оңтүстік-шығысында қатты жаңбыр жауып, республиканың шығысында және оңтүстік-шығысындағы таулы аудандарында жауын-шашын (жаңбыр, қар) болады. Тек елдің батысында жауын-шашынсыз ауа-райы болады деп болжанған.
Қазақстан бойынша желдің күшеюі болжанады. Түнгі және таңертеңгі сағаттарда солтүстік, шығыс, орталық аймақтарда тұман күтіледі. 7 қыркүйекте солтүстікте, шығыста және орталықта, 8 қыркүйекте Қостанай облысында, еліміздің оңтүстік-шығысындағы таулы аудандарында топырақ бетінде 3 градусқа дейін үсік болады деп болжанған.