RUS
SMARTNEWS.KZ басылымының хабарлауынша, жаңалықты Ерке Есмахан әлеуметтік желідегі парақшасында бөлісіп, жұбайына арнап жазба жариялады.
“Міне, бүгін папасы Муслимге сыйлық жасап қуантты. Көлігің құтты болсын, балам. Ақылды жігіт бол. Үмітімізді ақта. Артыңнан ерген ініңе үлгі бол," – деп жазды өнер иесі.
Одан кейін ұлының болмысының өзгеруіне ықпал еткен күйеуйіне ел алдында алғыс білдірді.
“Біз шаңырақ көтерген күннен бастап, Райм Муслимнің баскетболға құлшынысын арттыра бастады. Ағылшын тілін дамыту үшін Англияда оқытты. Муслимнің тұйық мінезін ашып, қабілетін шыңдады. Денсаулығына, араласатын ортасына, үйдегі тәрбиесіне қатты мән береді. Тіпті мектебіндегі ата-аналар чатында Райм отырады. Ең бастысы, осы кезге дейін сезінбеген “әке махаббатын” сезіндірді. Кішкентайынан ата-әжесімен бірге болған бала қазір, Аллаға шүкір, “Папа, мама” деп, толыққанды отбасында өсіп жатыр", – деді эстрада жұлдызы.
Еске салайық, Ерке Есмахан екінші рет тұрмысқа 12 жылдан кейін шыққанын жазған едік.