RUS
SMARTNEWS.KZ басылымының хабарлауынша, белгілі жүргізуші әрі блогер Динара Сәтжан өзінің туған күнінде желі қолданушыларын ойландырып қойды. Ол желі парақшасында ресейлік танымал продюсер Валерий Меладземен бірге түскен фотосын жариялап, "Сүйікті ер адамым жанымда" деген жазба қалдырды.
Фотода Халық әртісі Бибігүл Төлегенованы да көруге болады.
Менің 42-ші туған күнім Алматы әуежайында керемет жандармен басталды. Өмір бойы жанымда мейірімді, аяулы, сүйікті адамдарым болғаны үшін Аллаға сансыз шүкіршілік етемін. Менің отбасым! Менің жақындарым! Менің командам! Тек сүйікті ер адамым жетіспеген еді. Бүгін ол менің жанымда және мен бақыттымын! деп жазды тележүргізуші.
Бұл жазба туған күнімен құттықтап тілек жазған оқырмандарын да ойландырып қойды. Пікір қалдырғандардың арасында белгілі тележүргізуші Ләйлә Сұлтанқызы да бар. Ол Динара Сәтжанға "Құтты болсын. Бақытты болыңдар" деп тілек жазды.