RUS
SMARTNEWS.KZ басылымының хабарлауынша, көрсеткіште бірінші орынға Сингапурдың премьер-министрі Лоуренс Вонг жайғасты. Бұл туралы Stan.kz ақпарат агенттігі жазды.
PoliticalSalaries басылымының дерегінше, саясаткердің жалақысы жылына шамамен 1,69 миллион доллар (817 миллион теңгеден жоғары). Ал рейтингте екінші орында Швейцария президенті Виола Амхерд. Оның жалақысы жылына 569,5 мың доллар (275 миллион теңгеден аса). Үшінші орында жылына 412,5 мың доллар (199 миллион теңгеден астам) жалақы алатын Австралия премьер-министрі Энтони Албаниз.
Одан кейінгі орынды жылдық табысы 400 мың доллар (193 миллион теңгеден астам) болатын АҚШ президенті Джо Байден иеленді. Бесінші орынды жылына 316,7 мың доллар (153 миллион теңгеден астам) жалақы алатын Австрия канцлері.
Тізімнің алтыншы орнын жылына 310,5 мың доллар (150 миллион теңгеден астам) жылдық табысымен Жаңа Зеландияның премьер-министрі Кристофер Лаксон иеленді. Жетінші орында жылына 310,5 мың доллар (150 миллион теңгеден астам) жалақымен Канаданың премьер-министрі Джастин Трюдо.
Германия канцлері Олаф Шольц сегізінші орында. Оның жылдық табысы 293,3 мың доллар (141 миллион теңгеден аса). Тоғызыншы орында жылына 276,4 мың доллар (133 миллион теңгеден аса) жалақы алатын Жапония премьер-министрі Сигэру Исиба тұр. Ирландияның премьер-министрі Саймон Харрис ең жоғары жалақы алатын ондықты аяқтады Оның жылдық табысы 267,3 мың доллар (129 миллион теңгеден аса).
Ал еліміздең басшысы Қасым-Жомарт Тоқаевтың жалақысы 30, 810 мың доллар, яғни 14 миллион 920 мың теңгеден асады.
Фото: politicalsalaries.com
Фото: politicalsalaries.com
Айта кетейік, бұған дейін Германия канцлері Шольц пен Тоқаевтың қатысуымен өтетін бизнес-форумға қанша қаражат кеткені туралы жазған едік.