Пробация һәм проблема: Дәулет Тұрлыханов ұлының әрекеті жайлы не дейді?

Бүгін Мәжіліс отырысының алдында депутат журналистерге аталған мәселеге қатысты ойын білдірді.

«Жас бала туған күнге барған. Үнемі онымен әңгімелесіп тұрамын. Заң бұзуға болмайтынын айтамын. Қай әке баласын жаман болсын деп тәрбиелейді?.. Қолдан келгенше тәрбие бердік, ақылымды айтып жүрдім. Бала бірақ жақсы, жақсы бала. Бірақ мен үшін бе, білмеймін, баланың артынан аңду бар. Әйтпесе 21-дегі бала. Ертең ол бала жүйкесі тозып, ауру болып кетуі мүмкін. Оған кім жауапты? Айтайын дегенім, балам өте жақсы бала, тәрбиелі. Бүгінгі күні оның артынан аңдып енді... Туған күнге баруға болмай ма? Өзінің жасындағы достарымен араласуға болмай ма? Сол жағы да мен қатты ойландырады», - деді ол.

Депутат баласының әрекеттері бас бостандығынан айыру жазасын тағайындауға негіз бола алмайды деп есептейтінін де айтты.

«21-дегі бала әлі. Енді қалай айтуға болады? Өмірді әлі көрмеген бала. Оны бас бостандығынан не үшін айыру керек ? Сағат кешкі 20.30-да әріптестерімен отырған ғой. Ішіп отырған жоқ ол жерде. Ол бала ішпейді. Өйтіп бірден түрмеге қамайтын болсақ, ондаол дұрыс болмайды. Ол тәрбие емес», - деді депутат.