Қазақстандық мергендер әлем кубогінің финалдық кезеңінде өнер көрсетеді

SMARTNEWS.KZ басылымының хабарлауынша, Үндістанның Дели қаласында спорттық атудан Әлем кубогінің финалдық кезеңі басталды.

Бұл беделді турнирге қатысуға төрт қазақстандық спортшы шақырту алған. Оқпен атудан Никита Чирюкин және Константин Малиновский қатысса, Мария Дмитриенко мен Әсем Орынбай стенд атудан жүлдеге таласады. Қатысушылар тізімінде Олимпиада жүлдегерлері, былтырғы Әлем кубогінің жеңімпаздары, сонымен бірге әлемдік рейтингте жоғары орындарда тұрған мергендер қатыспақ. Одан бөлек турнирге арнайы шақырту бойынша қатысуға болады.

Айта кетейік, Әлем кубогінің финалдық кезеңіне әр спортшы қатыса бермейді. Оған тек үздіктерді үздігі қатысады.