Алло, коллектормын: борышкердің құқығы қандай?
Банктен несие алып, оны төлеу кезінде қиындыққа тап болған клиенттерге корректорлар дамылсыз қоңырау соға беретіні жасырын емес.
Қаржы нарығын реттеу және дамыту агенттігінің төрағасы Мәдина Әбілқасымова борышкермен жұмыс ережесін бұзған коллекторға қандай жаза бар екенін айтты.
«Коллекторлар адамға күніне 3 рет қоңырау шала алады. Бірақ аудиосын немесебейнесін жаза отырып хабарласуы керек. Егер сізге коллектордан демалыс күні қоңырау түссе, бізге хабарлауыңыз қажет. Call-орталыққа хабарласып, ақпаратын бересіз. Біз тексеру жүргіземіз», - деді Мәдина Әбілқасымова.
Сондай-ақ, ол ереже бұзған коллекторларға қандай шара қолданылатынын айтты.
«Қызметін тоқтауға дейінгі шаралар қолданылады. Әуелі айыппұл жазылады. Одан кейін қызметі толық тоқтатылады», - деді ол.
Материал авторы
