RUS
Полицияға анонимді қоңырау түсіп, ол болып жатқан оқиға туралы хабарлаған. Көп ұзамай тәртіп сақшылары тәрбиешіні тексеріске алып кеткен. Келесі күні ата-аналардың бірі балабақшаның ішіндегі бейнекамераларды қарап, тәрбиешінің теңселіп әрең тұрғанын аңғарған. Тіпті, балалардың қолдарынан жұлқылап, киімдерін лақтырған.
Теміртау қалалық білім бөлімі қызметтік тергеу жүргізіп, соның негізінде тәрбиешіні жұмыстан шығарған.
«Тәрбиеші жексенбі күні іс-шараға барып, сонда ішімдік ішкенін, ал дүйсенбі күні жұмысқа келгенін айтқан», – делінген мекеменің мәліметінде.
Тәрбиешімен қатар балабақша директорының міндетін атқарушы да жұмыстан босатылғанын атап өткен жөн.