RUS
SMARTNEWS.KZ басылымының хабарлауынша, Мексикада өтетін байқауда аруға қазақы көйлекті қырғызстандық дизайнер Арзубек Вонама тігіп берген. Ал әлеуметтік тақырып ретінде Мадина әлем алдында Салтанат Нүкенованың оқиғасын мысал етіп, елдегі тұрмыстық зорлық-зомбылық мәселесін қозғамақ. Stan.kz басылымы Мадина Әлмұхановадан сұхбат алған.
“Әлем аруы” байқауының ұйымдастырушылары бізге, кешкі көйлек, суға түсетін киім (купальные наряды), финалда киетін кешкі костюмды үйлестіреді. Сонымен қатар ұлттық киімімізді де паш етеміз.
Бұдан басқа екі апта уақытта үлкен кешкі ас, президентпен кездесу және тағы басқа да мерекелік іс -шараларға қатысамыз. Осы екі аптаны асыға күтудемін. Барымды салуға тырысамын. Байқауда еімізді лайықты түрде көрсетуге еңбек етемін”, – деді Мадина.
Мадина 18 жасынан бастап D&G, Intertop, Gucci, YSL және т.б. ірі брендтердің шоуларына қатысып, кәсіби түрде модельдікпен айналысқан. Ал алда күтіп тұрған әлемдік сайысқа бір жыл дайындалғанын алға тартты.
Фото: Мадина Әлмұханова Instagram парақшасынан
“Менде байқауға дайындық ағылшын тілін үйренуден басталды. Кейін екі айлық ораторлық қабілетті арттыру курсына қатыстым. Спортпен айналысып, дефильеде жүруге жаттықтым. Негізі дәл қазір қобалжу сезімі жоқ. Себебі 1 жыл бойы дайындалып, өзімді шыңдадым. Еңбегім ақталады деп ойлаймын”, – деді Мәдина Әлмұханова.
Әлемдік байқауда әр ару өз елінің бір әлеуметтік мәселесін көтеруге тиіс. Мадина осы тұста тұрмыстық зорлық-зомбылық тақырыбын таңдап отыр.
“Бұл байқауға қатысуда көбісі жай ғана әдемі болу жеткілікті деп ойлайды. Алайда бұл халықаралық конкурс. Мұнда көптеген мемлекеттер қатысады және әр ел өзінің ең мықты қызын жібереді.
Мадина Алматы облысын аралап, біздің табиғатымыз бен құндылықтарымызды көрсететін видео визитка жасады. Одан бөлек ол бір жылдың ішінде 50 сағат уақытын қайырымдылыққа арнады.
Сонымен қатар Мадина біздегі соңғы кейстерге байланысты тұрмыстық зорлық-зомбылық мәселесін әлемдік аренада көтеруге ниеттеніп отыр. Бұл жердегі мақсат Салтанат Нүкенованың мысалын көрсету арқылы бұл мәселеге елдің назарын аудартқымыз келеді. Бұл байқаудың артында үлкен еңбек жатыр”, – деді "Қазақстан аруы" PR менеджері Гүлім Советқанқызы.