«Мұрны сынып, құлағынан қан аққан»: Теміртаулық жігітті алты адам 3000 теңге үшін жабылып ұрған
Жәбірленушінің үстіне секіріп, оны әбден қинаған.
SMARTNEWS.KZ басылымының хабарлауынша, Теміртау қаласында алты адам жабылып жас жігітті соққыға жыққан. Салдарынан жәбірленушінің мұрны сынып, миы шайқалған. Бұл туралы жәбірленушінің әпкесі әлеуметтік желіде жариялады.
«Кеше сағат 21:30-да інімді алты адам аяусыз соққыға жықты. Белгісіз адамдар оның үстіне секіріп, алтауы бірге бір адамды ұрды. Мұрнын сындырып, құлағынан қан аққан, бас миы шайқалып, саусағы мен тісі сынған. Олардың мақсаты — інімді тонау болды. Небәрі 3 мың теңге үшін осындай қатігездік жасады. Осы жағдаймен бөліскім келді, балаларыңызға қараңыздар», — деді жәбірленушінің әпкесі.
Қарағанды облысы Полиция департаментінің баспасөз қызметі аталған факті бойынша қылмыстық іс қозғалғанын хабарлады.
«Аталған факті бойынша қылмыстық іс қозғалды. Қазір полицейлер күдіктілерді анықтап жатыр. Оқиғаның мән-жайы анықталуда. Толығырақ ақпарат қосымша беріледі», - делірнген хабарламада.
Материал авторы
