RUS
«Қазіргі уақытта қылмыстық-атқару жүйесінің мекемелерінде есірткінің заңсыз айналымы үшін 4293 адам сотталған, оның ішінде 687 есірткі сатушы, олардың 366-сы 18 бен 30 жас аралығындағы адамдар және тек 6-ы кәмелетке толмағандар. Бұл ретте Ішкі істер органдары «жасырып кетушілерді» ұстаумен ғана шектелмейді. Тергеу барысында оқыту, есірткімен және өткізу үшін қажетті техникалық құралдармен жарақтандыру мән-жайлары мен адамдар тобы анықталады.
Сондай-ақ Үкімет басшысы қиын жағдайда өмір сүріп жатқан жасөспірімдерді есірткіге қатысты түрлі қылмыстардан сақтандыру үшін билік қандай жұмыстарға кіріскенін айтты.
Сонымен бірге мүдделі мемлекеттік органдар жастардың, әсіресе, отбасылық, әлеуметтік жағдайы қолайсыз және өмірде қиын жағдайда жүрген балалар мен жасөспірімдердің есірткі қылмысы ортасына түсуінің алдын алу мақсатында тиісті профилактикалық іс-шаралар жүргізуде. Осы мақсаттар үшін білім беру мекемелерінің жұмыскерлерін, сондай-ақ мектеп психологтарын даярлау процесін жолға қоюға ықпал ететін профилактикалық көп сатылы модель құрылды», - деді Премьер-Министр.