RUS
SMARTNEWS.KZ басылымының хабарлауынша, ұш түрлі әлем чемпионатын ұтқан балуанымыз Ризабек Айтмұхан жанкүйерлерге үндеуін жеткізді.
Еркін күрестен 97 кг салмақта өнер көрсетіп жүрген Ризабек Айтмұхан жастар арасында ұйымдастырылған жарыста үшінші мәрте әлем чемпионы атанды. Ол соңғы жеңісінен соң көпшілікке алдағы жоспарлары туралы айтып берді. Ризабек алда Олимпиада ойындарына да қатысуы мүмкін.
Тарих жазуды тоқтатпаймыз. Бұл жеңіс менің ғана жеңісім емес, бүкіл қазақ елінің жеңісі! Халқым мен отбасымның қолдауының және адал еңбектің арқасында бүгін үш дүркін әлем чемпионы атану бұйырды, Аллаға шүкір!
Алдағы уақытта бірнеше жарыстарда еліміздің туын асқақтатып, олимпиаданы бағындыруға күш салатын боламын. Сіздерді әрі қарай чемпиондарымызды жеңісте ғана емес, жеңілісте де қолдап, шын жанкүйер болуға шақырамын! – деп жазды Айтмұхан.
Ризабек Айтмұхан биыл Сербияда, Испанияда және Албанияда ұйымдастырылған үш түрлі әлем чемпионатынан тек алтынды қанжығалап оралды. Осылайша Ризабек небәрі 20 жасында үш дүркін әлем чемпионы атанған балуан ретінде халықтың сүйіктісіне айналды.