RUS
SMARTNEWS.KZ басылымының хабарлауынша, UFC промоушенінде жұдырықтасатын қазақстандық аралас жекпе-жек шебері Шавкат Рахмонов бала кезіндегі қорқынышы туралы айтты.
"Бала кезімде түнде далаға шығуға қорқатынмын. Далада жалғыз қалып қалсам жылайтын едім. Дегенмен есейе келе ол қорқыныш сейілді. Қазір жалғыз тауға да шыға аламын.
Бұдан бөлек кішкентай кезімде бір жерімді кесіп алсам, "өліп қаламын" деп ойлап, қорқатынмын. Өйткені ағаларым "қазір бүкіл қаның ағып кетеді деп шошытатын еді", - деп еске алды Рахмонов Youtube-тегі Naiza TV арнасына берген сұқбатында.
Айта кетейік, Шавкат Рахмонов 7 желтоқсанда UFC чемпионы атағына таласу үшін жекпе-жек өткізеді. Ол АҚШ-тың Лас-Вегас қаласында өтетін UFC 310 турнирінде жартылай орта салмақтағы чемпион Белал Мухаммадпен күш сынасады.
Рахмонов соңғы кездесуін 2023 жылы желтоқсанда Лас-Вегас (АҚШ) қаласында өткізіп, америкалық файтер Стивен Томпсонды екінші раундта ұтқан болатын. Қазақстандық файтер MMA-да 18 рет, UFC-де 6 рет жеңіске жеткен.
Ал Белал Мұхаммад биыл шілдеде Манчестерде өткен UFC 304 турнирінде Леон Эдвардсты төрешілердің бірыңғай шешімімен ұтып, жартылай орта салмақтағы UFC чемпионы атанды. Оның MMA-дағы рекорды – 24-3.