RUS
SMARTNEWS.KZ басылымының хабарлауынша, танымал ММА шебері Қуат Хамитов Қазақстан футбол федерациясының президенті Әділет Барменқұловтың отставкаға кетуіне қатысты пікір білдірді. Бұл туралы 1bol.kz жазды.
Футболға қатысты жаңалық шықса әрдайым өз ойын айтатын «Найман» бұл жолы да үнсіз қала алмады.
«Қазақстан футболын құтқаруға енді ештеңе көмектеспейді, ақырзаман болмаса», - деп жазды Хамитов әлеуметтік желіде.
Еске салайық, Қазақстан футбол федерациясын үш жылға уақыт басқарған Әділет Барменқұлов 8 қарашада өз орнын босатты. Жаңа президент алдағы уақытта федерацияның кезектен тыс конгресінде сайланады.
Футболдан Қазақстан ұлттық құрамасы Станислав Черчесовтің жаттықтыруымен Ұлттар лигасында төрт ойын өткізіп, үш матчта жеңілді. Әзірге бірде-бір матчта гол соққан жоқ.