RUS
SMARTNEWS.KZ басылымының хабарлауынша, Семейде кәмелетке толмаған қызды зорлады деп айыпталған мұғалім қамауға алынды. Белгілі болғандай қылмыстық іс жәбірленушінің анасының арызы бойынша қозғалған.
Оқиға биыл шілдеде болған. Күдікті 32 жастағы жергілікті тұрғын екені атап өтілді. Сондай-ақ мұғалім әлі де жұмыстан шығарылмаған, бірақ сабақ өткізіп жүрмеген.
«Жағдай құзырлы органдардың бақылауында, тергеу амалдары жүргізіліп жатыр, мұғалім жұмыстан шеттетілді», – деп хабарлады білім басқармасы.
Семей қаласының білім бөлімі күдіктінің алғашқы әскери дайындық пәнінің мұғалімі екені және мекемеде 2022 жылдан бері жұмыс істейтіні туралы ақпаратты растады.
«Ол ұстаз 2016 жылы Шәкәрім атындағы Семей мемлекеттік университетін бітірген. Аталған жағдай бойынша қазіргі уақытта құзырлы органдар тиісті тергеу жұмыстарын жүргізіп жатыр. Енді сол жұмыстардың нәтижесі ойынша қосымша ақпарат беріледі», – дейді Семей қаласы білім бөлімінің басшысы Біржан Бұлабаев.
Білім басқармасының мәліметінше, жәбірленуші қыз мектепке баруын жалғастырып жатыр. Оның ата-анасына балалар омбудсмені мен психологиялық қолдау орталығына хабарласуға кеңес берілді.