RUS
Сhampionat.com сайтынан алынған мәлім еткеніндей, теннисшінің Азиядағы Сеул, Бейжің және Ухань турнирлеріне неге қатыспағаны белгілі болды.
АҚШ ашық чемпионатынан кейін үзіліс алған поляк спортшысы Эр-Риядтағы қорытынды турнирге ғана қатысып, онда топтан шыға алмады. Сөйтіп әлемдік рейтингіде беларусьтік Арина Соболенконы алға жіберіп, екінші орынға ығысты.
Теннис әділдігін қамтамасыз ету жөніндегі халықаралық агенттік (ITIA) хабарлағанындай, Ига Швёнтектен бірінші ракетка болып тұрған кезде, тамызда жарыстан тыс уақытта алынған талдау оның ағзасында тыйым салынған триметазидин бар екендігін көрсеткен. Бұл теннисшінің уақыт белдеуін ауыстыруға байланысты ұйқыға қатысты мәселе туындағаннан кейін Польшада өндірілген мелатонинді білмей қабылдағаннан болған.
Теннисшінің аздаған кінәсі және салғырт қарағандығынан деп есептеген ITIA оны бір ай мерзімге шеттетуді ұсынған. 27 қараша күні спортшы допингіге қарсы ережені бұзғанын мойындап, санкцияны қабылдаған. Ол 12 қыркүйектен 4 қазанға дейін үш жарыстан шеттетілген. Сол аралықты қосқанда, шеттету мерзімінің бітуіне енді 8 күн қалды, 4 желтоқсан күні аяқталады. Оған қоса Швёнтек талдау тапсырғаннан кейін қатысқан Цинциннати WTA 1000 турнирінде тапқан табысынан айырылды.