RUS
SMARTNEWS.KZ басылымының хабарлауынша, 40 жастағы ер адам ауыр жарақаттарымен қаладағы ауруханалардың біріне жеткізілген.
Полиция ер адамды аяусыз соққыға жыққан екі күдіктіні ұстады. Полиция басқармасы оқиғаға қатысты пікір білдірді.
“Бұзақылық фактісі бойынша сотқа дейінгі тергеу барысында дәмхананың екі күзетшісінің кінәсі анықталды. Жәбірленуші достарымен бірге отырып, уақытты сәл ұзартуды сұраған. Бұл өтінішке күзетшілер агрессивті жауап қайтарып, төбелес шығарған. Тіпті, мекеме қызметкерлері көмекке келгісі келген адамдардың әрекетіне мән бермеген. Екі күдікті қамауға алынды”, – дейді Алмалы аудандық полиция басқармасының бастығы Ұлан Әбілқайыр.
Қазір тергеу жалғасып жатыр, ал жәбірленушінің жағдайы бақылауға алынған.