RUS
Бұл ретте, Орталық Азиядағы алғаш рет өзара оқыту принциптері негізінде құрылған Alem School мектебі өзінің 5 жылдық мерейтойын атап өтуде. Мектеп алғашқы күндерден бастап IT мамандарын даярлау саласында көшбасшы ретінде танылып, инновациялық әдістемелерді енгізу арқылы білім беру үдерісінің дәстүрлі модельдерін түбегейлі өзгерткіп жатқанын атап өткен жөн.
Мұнда дәстүрлі дәрістер мен мұғалімдер жоқ. Мектеп студенттерін практикалық тапсырмалар мен нақты жобаларда бірлесе жұмыс істеу арқылы оқытады. Осы арқылы студенттер тек жаңа мамандықты меңгеріп қана қоймай, еңбек нарығында құнды маманға айналуға мүмкіндік алады.
Бес жыл ішінде мектеп түлектері әртүрлі компанияларда табысты мансап құрып, жаңа мүмкіндіктерге жол ашты. Атаулы мерейтойға орай өткен кешке жиналғандар әлемнің түкпір-түкпірінен келген IT мамандармен тәжірибе алмасып, жаңа идеяларымен бөлісті. Аталған мектеп алдағы уақытта да заманауи IT білім беру саласындағы өзгерістер мен жаңашылдықтарды енгізуді жалғастырып, өз студенттеріне үлкен мүмкіндіктер ұсынуды көздеп отыр. Мектеп 5 жыл ішінде тек қазақстандық білім беру жүйесіне жаңа серпін әкеліп қана қоймай, бүкіл Орталық Азия өңірінде өз бағытын айқындап, жоғары деңгейдегі мамандарды даярлау жолында үлкен қадамдар жасағанын атап өткен жөн.